Girjeváibmilat – lohkanbiire neahtas

Sápmi Miehtá -prošeakta lea ovttas Lappi eanangoddegirjerádjosa Sámi spesiálagirjerádjosiin álggaheame sámegielat lohkanbiirre (eanet dieđut dán liŋkkas). Lohkanbiire čoahkkana neahtas Sámi oahpahusguovddáža virtuálaskuvllas. Lohkabiirre ulbmilin lea fállat ságastallanbáikki viššalis girjelohkkiide – girjeváibmiliidda. Seammás háliidit čalmmustahttit sámegielat čáppagirjjálašvuođa ja movttiidahttit olbmuid lohkat girjjálašvuođa sámegillii. Sámegielat čáppagirjjálašvuohta almmustuvvá olles áigge muhto buohkat eai álo fuomáš, ahte girjjiid sáhtášii lohkat maiddái sámegillii, ja dat geat lohket sámegielat girjjiid, hárve besset daid birra ságastallat earáiguin.

 Dat geat leat ovdal oassálastán omd. sámegiela oahpahussii, sáhttet lohkabiirres joatkit sámegiela oahppama ja hárjehallat sámegiela geavaheami maiddái gurssa maŋŋel. Lohkanbiire doaibmá ná maiddái ođđalágan, vehá geahppasit oahppanbirasin. Sámegielagiidda, geain sámegielat biras lea guhkkin davvin (dávggaid vuolde), buktá lohkabiire sámegielat joavkku lagabui ja dahká sámegiela geavaheami vejolažžan fuolakeahttá das, gos olmmoš deaivá orrut.

 Girjeárvvoštallamat almmustuvvet hárve dehe eai báljo ollenge, ja nuba sámi girječállitge eai dávjá beasa gullat, mot olbmot leat sin girjjiid váldán vuostá. Váilu nappo lohkkiid ja girjjiid gaskasaš ságastallan, masa maiddái girječállit sáhtášedje searvat. Geahččalit muhtumin oažžut maiddái sámi girječálliid guossin lohkabiirre čoahkkanemiide.

 Lohkanbiirre lassin livččii suohtas, jos seammás sáhtášeimmet álggahit omd. sámi čáppagirjjálašvuođa blogga dehe omd. Facebook-siiddu, masa Girjeváibmilat sáhtášedje čállit iežaset jurdagiid ja árvalusaid girjjiin ja vejolaččat joatkit dan ságastallama, man álggahit lohkanbiirres.

 Girjeváibmilat válljejit ieža makkár girjjiid sii hálidit lohkat. Ságastallamiin fáddán sáhttá leat mii beare, mii guoská girjái dehe girjji fáddái. Ságastallan ii leat ráddjejuvvon mange dihto áššái dehe temái, muhto ságastallit ieža váldet ovdan áššiid, mat girjji logadettiin bohte millii dehe maid hálidit loktet ságastallamii.

 Girjeváibmilat čoahkkanit álggos sullii oktii mánotbajis ja joatkit doaimma boahtte giđa. Dárkilit áigedávvalat biddjojit nehttii Sámi oahpahusguovddáža neahttasiidduide, ja jos Girjeváibmiliid joavkkus lea sadji, mielde sáhttá njuiket goas beare. Gánnáha jearralit, jos orru ahte dát livččii juoga dutnje! Oktavuohtadieđuid gávnnat bajábealde addon liŋkka bokte.

Mainokset

Vastaa

Täytä tietosi alle tai klikkaa kuvaketta kirjautuaksesi sisään:

WordPress.com-logo

Olet kommentoimassa WordPress.com -tilin nimissä. Log Out / Muuta )

Twitter-kuva

Olet kommentoimassa Twitter -tilin nimissä. Log Out / Muuta )

Facebook-kuva

Olet kommentoimassa Facebook -tilin nimissä. Log Out / Muuta )

Google+ photo

Olet kommentoimassa Google+ -tilin nimissä. Log Out / Muuta )

Muodostetaan yhteyttä palveluun %s

%d bloggers like this: